SQO-da jol-kólik oqıǵasynan eki adam qaza tapty
PETROPAVL. QazAqparat – Soltústik Qazaqstan oblysy Taıynsha qalasynda eki kólik soqtyǵysyp, eki adam qaza taýyp, ekeýi zardap shekti, dep habarlaıdy QazAqparat tilshisi.
SQO Polıtsııa departamentiniń málimetinshe, oqıǵa 5 mamyr kúni saǵat 13.05-te Taıynsha qalasynda bolǵan. «Oktıabrdiń 50 jyldyǵy» jáne Kıevskıı tuıyq kóshesiniń qıylysynda «Audi» jáne «Mitsubishi» avtokólikteri soqtyǵysyp qalǵan. Sonyń saldarynan sol jerde «Audi» kóliginiń 1987 jyly týǵan jolaýshysy mert boldy. Qalǵan jaraqattanǵan úsh jolaýshyny jedel járdem kóligi Taıynsha kópbeıindi aýdanaralyq aýrýhanasyna jetkizdi. Medıtsınalyq mekemede «Audi» kóliginiń ekinshi jolaýshysy – 1992 jyly týǵan áıel qaıtys boldy.
Bul derek «Kólik quraldaryn basqaratyn adamdardyń jol qozǵalysy nemese kólik quraldaryn paıdalaný erejelerin buzýy, abaısyzda adam ólimine ákep soqtyrý» baby boıynsha Sotqa deıingi tergep-tekserýdiń biryńǵaı tizilimine engiildi. Tıisti saraptamalar júrgiziledi.
