SQO-da joǵalyp ketken 6 jasar balany tórtinshi kún izdeýde
ASTANA. QazAqparat - SQO-da aýylda joǵalyp ketken alty jasar balany izdeý jalǵasýda, dep habarlady QR ІІM TJK resmı ókiline silteme jasap «QazAqparat» HAA.
Habarlamaǵa sáıkes, 5 shildede Ǵ. Músirepov atyndaǵy aýdannyń Starobelka aýylynda Reseıden anasymen birge týystaryna qonaqqa kelgen er bala joǵalyp ketti. Kýágerler alty jasar Matveı Býrovık 16.00-de týystarynyń úıinen belgisiz baǵytqa shyǵyp ketip, habar-osharsyz ketkenin aıtady.
Bul kúni TJD-da jedel shtab qurylyp, aýdanǵa izdeý jumystaryn júrgizý úshin kúshter men quraldar jiberildi.
TJD, AІІB, jergilikti atqarýshy organdar qyzmetkerleri, aýyl turǵyndary joǵalǵan balany jaıaý izdeı bastady. Aýyl mańy metr-metrmen tekserilip, izdeý aýdany saǵat saıyn keńeıdi.
Eldi mekennen 10 shaqyrymda balanyń zattary: balanyń trıkosy men shulyǵy tabyldy, ony týystary tanydy, al bala tabylǵan joq.
Jaıaý izdeý nátıjeleri sátsiz bolǵandyqtan, «Nejenka Erke» JShS-nyń AN-2 ushaǵy jáne aýdandyq ІІB kvadrokopteri jumyldyryldy. Polıtseıler izdeý jumysyna ıtti de tartty, alaıda jańbyr men ormanǵa hımıkat sebilýine baılanysty ıt izge túse almady.
Búgin kólikpen, atpen jergilikti jerdi aınala izdeý jumystary qolǵa alyndy. Radıýsy - 25 shaqyrym. Orman, dala alqaptary, batpaqty jerler qamtylýda. TJD qutqarý jasaǵynyń súńgýirleri ekinshi kún aýyl janyndaǵy Ulykól ózenin tekserýde.
Іzdeý jumystaryna 160 adam, 18 birlik tehnıka tartyldy. Іzdeý ázirge nátıje bermedi. Qutqarýshylar balany tabatynyna úmitterin joǵaltpaýda, izdeýge bar kúshterin salýda, dedi Rýslan Imanqulov.
