SQO-da joǵalǵan jasóspirim basqa oblystan tabyldy
PETROPAVL. QazAqparat - Polıtseıler iz-túzsiz ketken 15 jastaǵy jasóspirimniń qaıda ekenin anyqtady, dep habarlaıdy QazAqparat tilshisi.
Soltústik Qazaqstan oblystyq ishki ister departamenti baspasóz qyzmetiniń málimdeýinshe, izdeý salynǵan Hasan ıAtımov Túrkistan oblysynan tabylǵan. Bozbala ol jerge avtostoppen jetken. Qazirgi tańda ata-anasyna habar berilgen.
Eske sala keteıik, 15 jastaǵy Hasan ıAtımov 6 shildede habar-osharsyz ketken bolatyn. Ol Qyzyljar aýdanynyń Prıbrejnoe aýylynan avtobýsqa otyryp, jolǵa shyqqan. Ulynyń habar-osharsyz ketkeni týraly polıtsııaǵa ákesi habarlaǵan.
