SQO-da joǵalǵan er adamnyń denesi tórt kúnnen keıin Esilden tabyldy
PETROPAVL. QazAqparat – Soltústik Qazaqstan oblysynda joǵalǵan 69 jastaǵy er adamnyń denesi Esil ózeninen tabyldy, dep habarlaıdy QazAqparat tilshisi.
SQO tótenshe jaǵdaılar departamenti baspasóz qyzmetiniń málimetinshe, Esil aýdany Birlik aýylynyń 1952 jyly týǵan turǵynyn qutqarýshylar 15-17 maýsym aralyǵynda Esil ózeninen izdedi. Mamandar 44 shaqyrymdy qarap shyqty.
Іzdeý jumystary kezinde aýyldan eki shaqyrymdaı jerde Ilınka eldi mekeni baǵytynda er adamnyń kóligi tabyldy. Sondaı-aq Esil jaǵasynda adamnyń júrgen izderi anyqtaldy. Іz ózenge kirip joǵalǵan.
17 maýsym kúni saǵat 12.58-de departamenttiń izdeý toby er adamnyń denesin tapty. Ústinde kıimi bolǵan. Aǵys ony aýyldan 6 shaqyrymǵa alyp ketken. Marqumnyń neden qaıtqany anyqtalady, sot-medıtsınalyq saraptama taǵaıyndaldy.
Buǵan deıin SQO Esil aýdany Birlik aýylynyń 1952 jyly týǵan turǵynynyń belgisiz jaǵdaıde Esil ózeniniń mańynda joǵalǵanyn aıtqan edik.
