SQO-da joǵalǵan er adamnyń denesi tabyldy
PETROPAVL. QazAqparat – Soltústik Qazaqstan oblysynda joǵalǵan er adamnyń denesin qutqarýshylar bir apta izdep, sýdan alyp shyqty, dep habarlaıdy QazAqparat tilshisi.
Bul jaıynda SQO tótenshe jaǵdaılar departamenti azamattyq qorǵanys basqarmasynyń basshysy Marat Muratov óńirlik kommýnıkatsııalar qyzmetinde ótken baspasóz máslıhatynda aıtty. Er adamnyń denesi sý betine shyqqan.
«Ol jerde Esil ózeniniń tereńdigi 4 metrge deıin jetedi, endi 800 metr shamasynda. Aǵys oqıǵa bolǵan jerden 8 shaqyrymǵa alyp ketken, ıaǵnı jaǵada kóligi qalǵan jerden 8 shaqyrymnan keıin tabyldy. Qazir marqumnyń ózenge ne úshin barǵany anyqtalyp jatyr», - deıdi Marat Muratov.
Esterińizge salaıyq, elýler shamasyndaǵy er adam 25mamyr kúni Esil aýdany Pokrovka eldi mekeni mańyndaǵy Esil ózeninde joǵalǵan edi. Qaıyqqa minip, ózenge shyqqan ol qulap ketken. Tek bir aptadan keıin ǵana marqumnyń denesi tabyldy.
Marat Muratovtyń aıtýynsha, bıyl óńirde 12 kól men Esil ózeninde sýǵa shomylýǵa arnalǵan 58 oryn ázirlendi. Qazirgi ýaqytta ol jerler ázirlenip jatyr.
«Turǵyndardy, demalýshylardy sýda qaýipsizdik erejelerin saqtaýǵa shaqyramyz. Arnaıy jaraqtandyrylmaǵan jerlerde, mas kúıde sýǵa túspeńizder. Balalardy sý shomylýǵa jalǵyz jibermeńizder, únemi kóz aldaryńyzda bolsyn. Byltyr 22 adam, sonyń ishinde, 6 bala sýǵa ketti», - deıdi basqarma basshysy.
