SQO-da joǵalǵan balany eki kúnnen soń ıt taýyp aldy

PETROPAVL. QazAqparat - Soltústik Qazaqstan oblysynyń Ýálıhanov aýdanynda 200-ge jýyq adam iz-tússiz joǵalǵan 10 jasar balany eki táýlik boıy izdedi. Ony tabýǵa qyzmettik ıt kómektesti, dep habarlaıdy QazAqparat Polisia.kz-ke silteme jasap.

Balanyń joǵalǵany týraly aqparat 26 qańtar kúni belgili boldy. Іzdeý sharalaryna polıtseılerden bólek, órt sóndirý, TJ bólimderi jáne aýdan ákimdiginiń qyzmetkerleri jumyldyryldy.

Oblystyq polıtsııa departamentinen eki izdeý toby kómekke keldi. Sonymen qatar, izdestirý jumystaryna Jasqaırat, Qaırat, Qýlykól aýyldarynyń jáne basqa da aýyldardyń turǵyndary kómek kórsetti.

Bireýler jaıaý, endi biri avtokólikteri men jylqylaryn minip kelip, tóńirekti qarady. 27 qańtar kúni bala aman-esen bos turǵan úıden tabyldy. Bul úıdiń ıeleri jol júrip ketken. Ony aýdandyq polıtsııa bóliminiń kınolog-ınspektory Nurlan Jaýar Tsefeı esimdi nemis ovcharkasynyń kómegimen tapty.

«Bala medıtsınalyq mekemege jetkizildi. Qazir ol dárigerlerdiń qaraýynda. ıÝvenaldyq polıtsııa qyzmetkerleri oqıǵanyń barlyq mán-jaıyn anyqtap jatyr. Balanyń otbasymen jumys júrgiziletin bolady. Polıtsııa bólimi basshylyǵynyń jáne jeke quramnyń atynan izdeý jumystaryna qatysqan aýdannyń barlyq turǵyndaryna alǵysymdy bildiremin», — deıdi aýdandyq polıtsııa bóliminiń bastyǵy Rýslan Alıjanov.

Foto: polisia.kz