SQO-da joǵalǵan 8 jasar qyz tabyldy
PETROPAVL. QazAqparat – Petropavlda joǵalǵan 8 jasar qyz alty saǵattan keıin aman-esen tabyldy, dep habarlaıdy QazAqparat tilshisi.
Soltústik Qazaqstan oblysy Polıtsııa departamenti baspasóz qyzmetiniń málimetinshe, Petropavl turǵyny «102» arnasyna habarlasyp, qyzynyń joǵalǵandyǵyn aıtqan.
Baldyrǵan qyz tańerteń saǵat 10.00 shamasynda dúkenge ketip, úıine oralmaǵan. Ábigerge túsken ata-ana balasyn ózderi izdep tabýǵa tyrysqan. Alaıda, 4 saǵat izdep, odan esh nátıje shyqpaǵannan keıin, polıtsııanyń kómegine júgingen.
Jedel kezekshi shuǵyl jedel ýákilderdiń, ýchaskelik polıtsııa ınspektorlarynyń, ıývenaldyq polıtsııa qyzmetkerleriniń jeke quramyn kótergen. Barlyq aýmaqtyq bólinisterge baǵdar jiberildi. Polıtseıler aýlalardy, saıabaqtardy tekserýge kiristi.
Qyzdy polıtseıler eki saǵattan keıin tapty. ıA.Gashek kóshesindegi aýlaǵa jaqyn mańdaǵy Jeńis saıabaǵynan mektep oqýshysyn ýchaskelik ınspektor Ońalbek Ábdikárimov pen kámeletke tolmaǵandardyń isteri jónindegi ınspektor Narıman Táshimov baıqaǵan. Angelına onda eki qyz balamen oınap júripti.
Qazirgi ýaqytta qyz bala úıine aman-esen qaıtaryldy. Balasy tabylyp qýanǵan ana kóz jasyna erik berip, polıtseılerge alǵysyn bildirdi.
