SQO-da joǵalǵan 17 jastaǵy boıjetken tabyldy
ASTANA. QazAqparat - Soltústik Qazaqstanda iz-tússiz joǵalyp ketken 17 jastaǵy boıjetken aman-esen tabyldy, dep habarlaıdy QazAqparat tilshisi SQO ІІD baspasóz qyzmetine silteme jasap.
Polıtsııa qyzmetkerleri Esil aýdanynyń týmasy Marına Hrýstalevanyń qaıda bolǵanyn anyqtady.
«Anyqtalǵanyndaı, ol Petropavl qalasynda óziniń tanysynyń úıinde bolǵan. Jýyq arada ol úıine qaıtarylady», - dep habarlaıdy oblystyq ІІD baspasóz qyzmeti.
Eske sala ketsek, soltústikqazaqstandyq polıtseıler 17 jastaǵy boıjetkendi izdep jatqanyn tańerteń habarlaǵan bolatynbyz. ІІD baspasóz qyzmetiniń aqparaty boıynsha, boıjetken 11 qyrkúıekte joǵalyp ketken.
