SQO-da joǵalǵan 16 jastaǵy jasóspirimdi baqtashy taýyp aldy
PETROPAVL. QazAqparat – Soltústik Qazaqstan oblysynda demalys ornynan eshkimdi eskertpesten ketip qalǵan jasóspirimdi adasyp júrgen jerinen baqtashy taýyp aldy, dep habarlaıdy QazAqparat tilshisi.
SQO Aıyrtaý aýdandyq polıtsııa bóliminiń málimetinshe, polıtsııanyń ýchaskelik ınspektoryna Petropavl qalasynyń turǵyny habarlasyp, «Aıbek» demalys ornynan ketip qalǵan 16 jasar jasóspirimdi izdep tabýǵa kómektesýdi suraǵan. Ol tańǵy saǵat 6.00 shamasynda eshkimdi eskertpeı belgisiz jaqqa ketip, qaıtyp oralmaǵan. Bala ata-anasymen birge Qazaqstandaǵy ájesine qonaqqa kelgen eken.
Oqıǵa ornyna birden aýdandyq polıtsııa bóliminiń basshylary, aýdan prokýrorynyń orynbasary attandy. Jedel shara qoldanylyp, izdeý jumystary bastaldy. Týǵan-týystarynyń aıtýymen bala jaıynda aqparat áleýmettik jelige ornalastyryldy.
Іzdeýge polıtsııanyń 32 qyzmetkeri, «Kókshetaý» memlekettik ulttyq tabıǵı parktiń ormanshylary men qoryqshylary jumyldyryldy.
Nátıjesinde bala keshke qaraı aman-esen tabylyp, ata-anasymen qaýyshty.
«Dalada júrgen balany kórdim, adasyp ketipti. Onyń aldynda telefonyma joǵalǵan jasóspirim týraly, onyń belgileri jazylǵan baǵdar kelgen edi. Birden tanydym. Polıtsııamen birge izdeýde júrgen «Kókshetaý» MUTP Aryqbalyq fılıalynyń qyzmetkerine habarlap aıttym», - deıdi jasóspirimdi tapqan baqtashy Tagır Innazarov.
