SQO-da jylytý maýsymy bastalǵaly 60 shaqty órt shyǵyp, segiz adam mert boldy
PETROPAVL. KAZINFORM – Soltústik Qazaqstan oblysynda mamandar jeke sektordy aralap, turǵyndardyń peshterin tekserip jatyr.
SQO Tótenshe jaǵdaılar departamentiniń málimetinshe, reıdtiń maqsaty – órttiń aldyn alý, qaýipsizdik erejelerin turǵyndardyń esine salý.
Bıyl jyl basynan beri oblys aýmaǵynda 429 ret órt shyqqan. Saldarynan 27 adam kóz jumdy, onyń úsheýi – bala. 29 adam jaraqat aldy. Al 1 qazannan beri 58 órt shyǵyp, osy aralyqta 8 adam kóz jumdy, kelgen materıaldyq shyǵyn - 14 mln teńge.
- Órttiń negizgi sebebi – turǵyndardyń elektr jabdyqtaryn, jylytý peshterin uzaq ýaqyt paıdalanýy. Sonymen qatar ony ýaqytyly tekserip, jóndemeý. Elektr jabdyqtaryna keletin bolsaq, olardyń eskirýi, saldarynan symdarynyń qysqa tuıyqtalýy, jabdyqtardyń qoldan jasalýy. Adamdardyń tósekte temeki shegip uıyqtap qalýy da órtke ulasyp jatady. ıAǵnı, turǵyndardyń órt qaýipsizdigi erejelerin saqtamaýy eń basty sebep, - deıdi departamenttiń ınjeneri Jaras Tuıaqov.
Tótenshe jaǵdaılar departamentiniń qyzmetkerleri reıdti Petropavl ákimdigi jáne polıtsııa departamenti ókilderimen birlesip ótkizip jatyr.
- Jeke sektordy aralap, peshterin tekseremiz. Qazir aılyq júrip jatyr. Sol sebepti barlyq úıge qatarynan kirip jatyrmyz. Keıbiriniń murjalaryn tazalaımyz. Bıyl qater tobyna 600-ge jýyq turǵyn úı esepke alyndy. Bul úılerde 24 myńnan astam adam turyp jatyr. Onyń 13 myńy – bala. Osy úılerge tútin jáne gaz datchıkteri ornatylyp jatyr, - deıdi departamenttiń aǵa ınjeneri Nurlan Baıahmetov.
Mamandar úılerge jyl basynan eki myńnan astam kómirqyshqyl gazy datchıgin ornatty, taǵy da osyndaı 250 qurylǵyny ornatý mindeti tur.
Buǵan deıin Oral qalasynda qos qabatty turǵyn úı órtengenin jazǵan edik.