SQO-da jylyna 12,7 myń tonna tátti bálish óndiretin kásiporyn salynyp jatyr
ASTANA.KAZINFORM - Soltústik Qazaqstan oblysynyń Petropavl qalasynda taǵam ónimderin óndiretin zamanaýı kásiporyn salý jónindegi iri ınvestıtsııalyq jobany iske asyrý jalǵasyp jatyr. Joba «Hlebprom» aktsıonerlik qoǵamy tarapynan «Beıkerton» jáne «MELAS» kompanııalarynyń qatysýymen qolǵa alynǵan.
Aýyl sharýashylyǵy mınıstrligi málimetinshe, jobanyń oryndalý merzimi 2023–2027 jyldar aralyǵyn qamtıdy.
Kásiporynnyń jobalyq qýaty jylyna 12 670 tonna tátti bálish, tort jáne qytyrlaq nan ónimderin óndirýge eseptelgen.
Jobanyń jalpy quny – 37,3 mlrd teńge. Onyń 26,1 mlrd teńgesi ınvestorlardyń óz qarajaty esebinen qarjylandyrylsa, 11,2 mlrd teńge qaryz qarajat retinde tartylǵan.
Ónimdi negizinen Qazaqstan men Reseı naryqtaryna baǵyttalǵan. Sonymen qatar ónim kóleminiń 98 paıyzy eksportqa shyǵarylady dep josparlanyp otyr.
Bul óńirdiń syrtqy ekonomıkalyq áleýetin arttyrýǵa múmkindik beredi.
Qazirgi tańda joba belsendi túrde iske asyrylyp jatyr. Jetkizilýi 2026 jyldyń qańtar aıyna mejelengen qaptama jabdyqtardyń kelisimsharty jasalǵan. Sonymen qatar qurylys-montaj jumystary qarqyndy júrgizilip jatyr.
Aıta keteıik, taǵy tórt qazaqstandyq kásiporyn BAÁ ımporttaýshylary tizimine kirdi.
Shyǵysqazaqstandyq kásiporyn Eýropanyń 27 eline bal satady.
