SQO-da jylda shamamen 200 áıelge sút bezi obyry dıagnozy qoıylady
PETROPAVL. KAZINFORM — Soltústik Qazaqstan oblysynda bıyl 28 adam sút bezi ragynan kóz jumdy.
Byltyr qaýipti dertten 41 áıel kóz jumǵan.
Aýrýdyń aıqyn belgileri paıda bolǵanyn kútpeı, turaqty túrde tekserýden ótýdiń mańyzyn oblystyq onkologııalyq dıspanser mamandary «Ádilet» partııasy oblystyq fılıalynyń ókilderi uıymdastyrǵan kezdesýde stýdent jastarǵa túsindirdi.
Óńirde rak aýrýy ózekti. 2025 jyly sút bezi obyry 205 adamda alǵash anyqtalsa, bıylǵy toǵyz aıda 191 áıel esepke alyndy. Qazirgi tańda oblysta osy dıagnozben dıspanserlik esepte 2470 adam tur.
Mamandardyń aıtýynsha, sút bezi obyry áıelder arasyndaǵy onkologııalyq aýrýlardyń ishinde birinshi orynda tur. Aýrý jas tańdamaıdy, jas ta, kári de aýyrady. Sondyqtan, densaýlyqqa muqııat qaraý tek egde jastaǵy áıelderge ǵana emes, barshaǵa mańyzdy.
Kezdesýde dárigerler aýrýdy erte anyqtaý jaǵdaıyna toqtaldy. Mamandar usynǵan málimetterge sáıkes, erte dıagnostıka saýyǵyp ketý múmkindigin úsh ese arttyrady. Eger obyrdyń birinshi satysynda ómir súrý kórsetkishi shamamen 80% bolsa, úshinshi satyda bul kórsetkish tek — 30%, al tórtinshi satyda 5% ǵana.
— Keıde adam dárigerge aǵzada aıqyn ózgerister baıqalǵan kezde ǵana júginedi. Al onkologııalyq aýrý kezinde ýaqyttyń mańyzy óte zor. Sondyqtan aýyrsynýdy nemese jalpy jaǵdaıdyń nasharlaýyn kútpeı, turaqty túrde tekserýden ótý, óz aǵzańnyń erekshelikterin bilý jáne kúmán týdyratyn kez kelgen ózgeris baıqalǵan jaǵdaıda mamanǵa júginý qajet. Dıagnoz neǵurlym erte qoıylsa, dárigerlerdiń patsıentke tıimdi kómek kórsetý múmkindigi soǵurlym joǵary bolady, — dedi dáriger-onkolog Qazybek Tohtanov.
Uıymdastyrýshylar jastar aýdıtorııasyn ádeıi tańdaǵan. Kezdesýdiń maqsaty — statıstıkamen qorqytý emes, densaýlyqqa qamqorlyq dıagnoz qoıylǵannan keıin emes, odan áldeqaıda erterek bastalatynyn túsindirý.
Іs-shara «Áıelder ómiri úshin» sút bezi obyry týraly aqparattandyrý jónindegi respýblıkalyq aılyq aıasynda ótti. Onyń maqsaty — sút bezi obyry, onyń aldyn alý jáne aýrýdy erte anyqtaý múmkindikteri týraly halyqtyń habardarlyǵyn arttyrý.
Buǵan deıin Qazaqstanda onkologııalyq aýrýlardy erte anyqtaýǵa múmkindik beretin skrınıngpen halyqtyń 70-80 paıyzy qamtylyp jatqanyn jazǵan edik.
