SQO-da jyl basynan beri esirtkige qatysty 40-qa jýyq derek tirkeldi

PETROPAVL. KAZINFORM — Petropavlda polıtseıler esirtki ótkizýmen aınalysty degen kúdikke ilingen 39 jastaǵy turǵyndy ustady. Ol Jumysshy kenti aýmaǵynda qolǵa túsken. 

Soltústik Qazaqstan oblysy polıtsııa departamentiniń málimetinshe, kúdiktiniń turǵylyqty jerin tekserý barysynda tártip saqshylary shamamen 75 gr geroın tárkiledi. Mamandardyń aıtýynsha, bul — asa iri kólemge jatady. Er adamnyń ózi esirtkini elordadan alyp kelgenin málimdegen.

Medıtsınalyq kýálandyrý nátıjesinde ustalǵan azamattyń opıoıdtardy qoldanǵany anyqtaldy. Qazirgi ýaqytta ol qamaýda otyr.

Kúdikti buǵan deıin de urlyq jáne esirtki zattarynyń zańsyz aınalymy boıynsha sottalǵan. Endi ol 7 jyldan 12 jylǵa deıin bas bostandyǵynan aıyrylýy múmkin.

Bul SQO-da bıyldyqqa geroınge qatysty anyqtalǵan alǵashqy derek. Jalpy, qańtar aıynan beri óńirde esirtkige qatysty 39 fakti tirkelip, zańsyz aınalymnan 1600 gr astam túrli esirtki zattary tárkilengen. Onyń 900 gr — sıntetıkalyq esirtki.

Buǵan deıin Pavlodar oblysynda zańsyz aınalymnan asa iri mólsherde esirtki zaty tárkilengenin jazǵan edik.