SQO-da jyl basynan beri 750 jup nekesin tirkedi
PETROPAVL. KAZINFORM – Soltústik Qazaqstan oblysynda nekege otyrýdan Petropavl qalasy jáne Aıyrtaý, Ǵabıt Músirepov jáne Taıynsha aýdandary kósh bastap tur.
Azamattarǵa arnalǵan úkimet» memlekettik korporatsııasynyń SQO fılıalynyń málimetinshe, byltyr 4 675 neke tirkelgen.
- Jastar ádemi ári este qalarlyq kúnderdi tańdaýǵa erekshe mán beredi. Bıyl jas jubaılardyń qyzyǵýshylyǵyn týdyrǵan erekshe kúnderdiń biri - 2026 jyldyń 26 maýsymy, ıaǵnı 26.06.26. Qazirdiń ózinde bul kúnge ótinish bergen juptar sany artyp keledi, - deıdi fılıaldyń PR-menedjeri Anara Kýsanova.
Mamandardyń aıtýynsha, neke qııýǵa ótinish josparlanǵan kúnnen keminde 15 kún buryn berilýi tıis. Ótinishti AHAT bólimderi arqyly, elektrondyq úkimet portaly nemese ekinshi deńgeıli bankterdiń mobıldi qosymshalary arqyly qaldyrýǵa bolady. Alaıda onlaın qyzmet tek Qazaqstan azamattaryna qoljetimdi, al AHAT bólimderi arqyly barlyq azamattar ótinish bere alady.
- Budan bólek, azamattar neke qııý rásimin saltanatty formatta ótkizý úshin aqyly qyzmetke de ótinish bere alady. Bul múmkindik AHAT bólimderinde, «HQKO» mobıldi qosymshasy men elektrondyq úkimet portalynda qoljetimdi, - deıdi Anara Kýsanova.
Sondaı-aq byltyr SQO-da 4 684 sábı ómirge kelse, bıyl jyl basynan beri 1 389 náreste týǵan.
Buǵan deıin Almatyda kúnine 70 jup neke qııatynyn jazǵan edik.
