SQO-da jyl basynan beri 529 iri qaradan brýtsellez anyqtaldy
PETROPAVL. KAZINFORM – Soltústik Qazaqstan oblysynda jyl basynan beri 529 iri qara malda brýtsellez aýrýy anyqtalsa, sonyń 91% sharýashylyqtarǵa tıesili.
SQO veterınarııa basqarmasy basshysynyń orynbasary Oljas Bolyspaev óńirlik kommýnıkatsııalar qyzmetinde ótken brıfıngte oblysta veterınarııalyq-sanıtarııalyq qaýipsizdikti qamtamasyz etý boıynsha esep berdi. Veterınarlar janýarlar men qustardyń asa qaýipti 10 aýrýyna, enzootııalyq 3 aýrýǵa qarsy profılaktıkalyq vaktsına egse, 5 aýrýǵa dıagnostıkalyq, 2 aýrýǵa allergııalyq zertteý, 1 aýrý boıynsha degelmıntızatsııa júrgizgen.
«Jalpy 3 mln-ǵa jýyq manıpýlıatsııa jasaldy. Bul jumys mal-qusta túrli aýrýlarǵa qarsy ımmýnıtet qalyptasýy úshin atqarylady. Desek te, bıyl zerthanalyq zertteý nátıjesi boıynsha 6 aýdannyń 16 eldi mekeninde brýtsellezben aýyrǵan 529 iri qara mal anyqtaldy, onyń ishinde 483 bas nemese 91% aýyl sharýashylyǵy qurylymdaryna tıesili bolsa, qalǵan 46 iri qara mal aýyl turǵyndarynyki», - deıdi Oljas Bolyspaev.
Bıyl Qyzyljar aýdanynyń Prıbrejnoe jáne 2603 km aıaldama pýnkti dep atalatyn eldi mekenderde, Ǵ. Músirepov atyndaǵy aýdannyń Starobelka eldi mekeninde qutyrma aýrýy tirkeldi.
«Sondaı-aq, Ýálıhanov aýdany Teljan aýylynda jylqy rınopnevmonııasy jáne jylqy tumaýy anyqtaldy.
Arnaıy saýyqtyrý is-sharalary kesheninen keıin shekteýler 4 qolaısyz pýnktten alynyp tastaldy, olar: Tımırıazev aýdany Dokýchaevo aýylyndaǵy «Atameken-Agro-Tımırıazevo» JShS brýtsellez boıynsha, qutyrma boıynsha Qyzyljar aýdanyndaǵy Prıbrejnoe aýyly men 2603 km aıaldama pýnktinen jáne Ýálıhanov aýdany Teljan aýylynan jylqy tumaýy boıynsha.
Qazirgi ýaqytta Starobelka aýylynan qutyrma boıynsha jáne Ýálıhanov aýdany Teljan aýylynan jylqy rınopnevmonııasyna qatysty shekteýdi alý máselesi sheshilip jatyr», - deıdi Oljas Bolyspaev.
Buǵan deıin eki aýdanǵa 17 mln teńgege mal qorymyn salýy tıis bolǵan kásipkerdiń 12 jyldan soń ustalǵanyn jazǵan edik.
