SQO-da jigit 1,2 kg gashısh maıyn kıimine jasyryp ótkizbek bolǵan
PETROPAVL. KAZINFORM - Soltústik Qazaqstan oblysynda polıtseıler esirtki arnasynyń jolyn kesip, aınalymnan iri mólsherde gashısh maıy men sıntetıkalyq esirtkini aldy.
SQO Polıtsııa departamenti baspasóz qyzmetiniń málimetinshe, «Ońtústik» baqylaý-ótkizý beketinde tártip saqshylary «Audi» avtokóligin toqtatqan. 26 jastaǵy jolaýshynyń kúrtesiniń ishinen vakýýmdy qaptamaǵa salynǵan sary tústi jele tárizdi zat oralǵan túıinshek tabyldy.
Saraptama nátıjesinde onyń salmaǵy 1200 gramm bolatyn gashısh maıy ekeni anyqtaldy. Polıtseılerdiń aıtýynsha, bul 3 myńnan astam adamdy nashaqorlyqqa tartýǵa jetedi.
Kúdiktiniń jaldamaly páterin tintý barysynda tártip saqshylary sondaı-aq, arnaıy oryndarǵa jasyryp salýǵa daıyndalǵan esirtki oramdaryn tapty. 100 gramm α-PvP sıntetıkalyq esirtki, elektrondy tarazylar jáne tyıym salynǵan zattardy ólshep-oraýǵa arnalǵan ózge de quraldar tárkilendi.
Qazir osy fakti boıynsha sotqa deıingi tergep-tekserý júrgizilip jatyr. Kúdikti 7 jyldan 12 jylǵa deıin bas bostandyǵynan aıyrylýy múmkin. Jalpy, jyl basynan beri SQO-da polıtseıler esirtki jetkizýdiń 10 arnasynyń jolyn kesti.
Buǵan deıin Almatyda 20 jastaǵy kýrerden 2,5 keli esirtki tárkilengenin jazǵan edik.
