SQO-da turǵyn úı kezeginen negizsiz shyǵarylǵan áıeldiń quqyǵy qalpyna keltirildi
PETROPAVL. KAZINFORM – Soltústik Qazaqstan oblysy Ǵabıt Músirepov atyndaǵy aýdannyń turǵynyn negizsiz turǵyn úı kezeginen shyǵaryp tastaǵan.
Ata-anasynyń qamqorlyǵynsyz qalǵan balalar jáne jetim balalar sanatyna jatatyn áıel Memlekettik qyzmet isteri agenttiginiń SQO boıynsha departamentine shaǵymdandy.
Vedomstvonyń málimetinshe, ol 2011 jyly 3 naýryzda turǵyn úı kezegine turǵan.
- Ótinishti qaraý aıasynda Departament jospardan tys tekserý júrgizdi. Nátıjesinde áıeldiń shaǵymyn qaraý merzimderiniń buzylǵany anyqtaldy. Sondaı-aq onyń quqyǵyn qalpyna keltirip, turǵyn úıge muqtajdar tizimine burynǵy kezegi boıynsha qaıta engizildi, - deıdi Memlekettik qyzmet isteri agenttiginiń SQO boıynsha departamentiniń basshysy, Ádep jónindegi keńes tóraǵasy Darhan Haırýllın.
Jalpy, jyl basynan beri departamentke azamattardan 105 ótinish túsken. Onyń ishinde 6 adamnyń buzylǵan quqyǵy qalpyna keltirildi. Bul ótinishter jer qatynastary, turǵyn úı jáne áleýmettik qamsyzdandyrý, sondaı-aq jyljymaıtyn múlik salalaryna qatysty.
- Árbir azamattyń ótinishiniń artynda ómirlik jaǵdaı tur. Sondyqtan memlekettik organdardyń mindeti máseleni formaldy túrde qaraý emes, azamattyń buzylǵan quqyǵyn qalpyna keltirýge baǵyttalǵan naqty shara qabyldaý.
Memlekettik qyzmetterdi alý barysynda suraqtar týyndaǵan jaǵdaıda turǵyndar «EgovKzBot2.0» Telegram-boty arqyly nemese 8 (7152) 36-01-62 telefon nómiri boıynsha júgine nemese «e-Otinish» arqyly shaǵym joldaı alady, - deıdi Darhan Haırýllın.
Buǵan deıin Pavlodar soty banktiń jetim azamatqa memlekettik qoldaýdy toqtatýyn zańsyz dep tanyǵanyn jazǵan edik.
