SQO-da jergilikti zaýyt tasqynnan zardap shekkenderdiń jańa úılerine jıhazdar men turmystyq tehnıka alady
PETROPAVL. KAZINFORM – Soltústik Qazaqstan oblysyndaǵy «ZIKSTO» AQ Petropavl qalasynyń ákimdigimen memorandýmǵa otyryp, tasqynnan zardap shekkenderdiń jańa úıleri men páterlerin jıhaz-turmystyq tehnıkamen qamtamasyz etetin boldy.
Soltústik Qazaqstan oblysy ákimdiginiń málimetinshe, oblystyq ákimdikte yntymaqtastyq týraly memorandýmǵa Petropavl qalasynyń ákimi Serik Muhamedıev pen «ZIKSTO» AQ bas dırektorynyń mindetin atqarýshy Aıdos Bekmaǵambetov qol qoıdy.
Qaıyrymdylyq kómek kórsetý maqsatynda «ZIKSTO» zaýyty 520 jańa úı men 197 páterdi jıhazdar jáne úlken turmystyq tehnıkamen qamtamasyz etedi.
SQO ákimi Ǵaýez Nurmuhambetov kásiporynnyń basshylyǵyna tasqynnan zardap shekken turǵyndarǵa demeýshilik kómek tanytqany úshin alǵysyn bildirdi.
Buǵan deıin SQO-da tasqynnan zardap shekken eki saýyqtyrý lagerinde jazǵy maýsym kesh bastalatynyn aıtqan edik.
