SQO-da jergilikti shtab ókilderi turǵyndarǵa ótemaqy alý úshin qujat jınaýǵa kómektesip jatyr
ASTANA. KAZINFORM – Soltústik Qazaqstan oblysy boıynsha qoǵamdyq shtabtyń múshesi Arman Berdaǵulov óńirdegi sý tasqyny jaǵdaıy týraly baıandady.
«Sý tasqynynyń ekinshi kezeńinde Sergeev sý qoımasyndaǵy sýdyń deńgeıi 298 sm-ge tómendep 363 sm-ge jetti. Aımaqta 14 388 adam qaýipsiz jerge kóshirildi. 764 adam úılerine oraldy, 13 624 adam evakýatsııalandy», - dedi ol Ortalyq kommýnıkatsııalar qyzmetinde ótken brıfıngte.
Soltústik Qazaqstan oblysy qoǵamdyq shtabynyń músheleri kún saıyn evakýatsııalaý oryndarynda ótemaqy alý tetigi boıynsha halyqpen kezdesip, túsindirý jumystaryn júrgizip jatyr. Sondaı-aq jergilikti shtab qyzmetkerleri turǵyndarǵa ótemaqy alý úshin qujat jınaýǵa kómektesedi. Evakýatsııalyq pýnktterdegi ótinish berýshilerdiń qujattardy bankke barmaı-aq tapsyrýy úshin ekinshi deńgeıli banktermen ýaǵdalastyqqa qol jetkizilgen.
