SQO-da jergilikti polıtsııa qyzmetiniń basshylary jıyn ótkizýde
PETROPAVL. QazAqparat - Qazaqstannyń barlyq óńirlerinen jergilikti polıtsııa qyzmetiniń basshylary SQO-ǵa jınaldy. Búginnen bastap Petropavl qalasyndaǵy Áskerı ınstıtýt bazasynda oqý-ádistemelik jıyn ótip jatyr.
Polıtseıler shara qyzmettik-izdeý jumysyn jetildirip, keleshekte qyzmet jumysynyń tıimdiligin arttyratynyna senimdi.
«Jıynda jumysty jaqsartý úshin basqa óńirlerdegi áriptesterimen tájirıbe almasady. Jergilikti polıtsııa qyzmeti qurylǵan sátten meniń paıymdaýym boıynsha, krımınnogendik jaǵdaı turaqtaldy. Oblysta jol-kólik oqıǵasy, kóshe qylmystary 7 paıyzǵa azaıǵany atap ótiledi», - dedi Mańǵystaý oblysy ІІD JPQ bastyǵy Amangeldi Halmuradov.
QR ІІM Ákimshilik polıtsııa komıteti tóraǵasynyń orynbasary polkovnık Talǵat Musaqanov pen onyń áriptesterine SQO jergilikti polıtsııa qyzmetiniń jumysy jaıly SQO ІІD bastyǵy general-maıor Berik Bilálov aıtyp berdi.
Ol SQO JPQ 1006 qyzmetker bar ekenin atap ótti. Oblys ákimdiginiń qoldaýymen qosymsha 55 birlik avtomashına, 13 mobıldi jyldamdyq ólsheýish, atmosferaǵa tastalǵan zııandy zattardy esepteıtin 4 aspap satyp alýǵa 300 mln bólindi. Kezekshilikke keletin ár polıtseıde vıdeotirkeýish bar.
Qazir soltústikqazaqstandyqtardy 215 vıdeo baqylaýda, olardyń 80-i Petropavlda ornalasqan. Úsh jyl ishinde taǵy 1247 kamera ornatý josparlanýda. 25-i oblys ortalyǵynyń qylmys jıi oryn alatyn ýchaskelerine bıyl ornatylady.
Oblystyń bas polıtseıiniń habarlaýynsha, oblystyq jergilikti polıtsııa apparaty úshin arnaıy qosymsha ǵımarat salý máselesi sheshilýde.
«Іshki ister departamenti Reseıdiń Omby, Túmen, Qorǵan oblystarynyń ishki ister organdarymen belsendi shekaralyq yntymaqtastyqdy júzege asyrýda», - dep atap ótti B. Bilálov.
Osy jylǵy qarashada resılikterdiń qatysýymen SQO polıtseıleri terrorızm, ekstremızm, zańsyz kóshi-qon, esirtki qylmysyna qarsy is-qımyl máseleleri boıynsha jumys kezdesýin ótkizedi.
SQO-da oqý-jattyǵý jıyny 1 qazanǵa deıin jalǵasady.
