SQO-da Jeńistiń 78-shi kóktemin 8 maıdanger qarsy almaq
SQO ardagerler keńesiniń málimetinshe, qazirgi tańda oblysta 8 maıdanger bar, onyń bireýi Georgıı Gýtsov Esil aýdanynda turady. Olar ózdiginen júrip-tura almaıdy. Ekeýiniń jasy 100-den asty.
5 myńǵa jýyq tyl eńbekkeri turyp jatyr. Jaý qorshaýynda bolǵan Lenıngradtyń 4 turǵyny, maıdangerlerdiń jesirleri bar.
«Olar únemi bizdiń nazarymyzda. Maıdangerlerdiń qurmetine uıymdastyrylǵan is-sharalarǵa kele almaıtyndyqtan Jeńis kúni ardagerler turatyn úılerdiń aýlalarynda úlken kontserttik baǵdarlama ótedi.
Mereke qarsańynda jalpyhalyqtyq senbilik uıymdastyrylmaq. Odan túsken qarajat muqtaj jandarǵa kómek retinde beriledi. Qazirgi tańda egde jastaǵylar arasynda osyndaı 5 myń adam bar. Sondaı-aq merekelik is-shara ótkizýge jumsalady», - deıdi SQO ardagerler keńesi tóraǵasynyń orynbasary Anatolıı Karabelnıkov.
Bıyl Jeńis kúnine oraı ár maıdangerge 1,5 mln teńgeden beriledi.
«Óńirden 140 myń jaýynger soǵysqa attandy, bizdiń kitaptarda, sonyń ishinde «Bozdaqtarda» qaza tapqan jáne habarsyz ketken 30 myń adamnyń esimi bar. Ol osydan 25 jyl buryn jaryq kórgen edi. «Soldaty Pobedy» degen kitapty shyǵardyq, onda soǵystan aman-esen oralǵandar týraly aqparat berilgen. 27 tomdyq jınaqqa 30 myń adamnyń esimi kirmeı qalǵan. Óıtkeni olar týraly aqparat bolmady.
Sońǵy 3-4 jylda taǵy da 19 myń maıdanger jaıynda málimetti taptyq», - deıdi Anatolıı Karabelnıkov.
Qazir SQO-da Ekinshi dúnıejúzilik soǵys ardagerleriniń qurmetine arnalǵan 600-ge jýyq eskertkish bar.
