SQO-da Jeńis kúnin 27 ardager ǵana qarsy alady
Óńirde sanaýly ǵana ardager qaldy. SQO Ardagerler keńesiniń málimetinshe, 27 ardager bolsa, sonyń beseýi aýdandarda turady. Kózi tiri maıdangerlerdiń tórteýi – áıel. Al tórteýi soǵystan múgedek bolyp oralǵan.
Ardagerlerdiń ishindegi eń jasy úlkeni – Nıkıta Gerasımovıch Semenov. Qarııa 10 mamyr kúni 101 jasqa tolady. Al maıdangerlerdiń eń jasy – 6 adam bıyl 94 jasqa keledi.
«Ókinishke oraı ardagerlerimizdiń qatary kúnnen-kúnge sırep barady. Bıyl da Jeńis qarsańynda qarttarymyzǵa zor qurmet kórsetiledi. Sondaı-aq árqaısysyna 1 mln teńgeden aqshalaı kómek kórsetilmekshi. Buǵan deıin mundaı úlken soma berilgen emes. Táýelsizdiktiń 30 jyldyǵyna oraılastyrylǵan. Bizde 5 myńnan artyq tyl eńbekkerleri bar. Onyń 136-sy orden-medaldarmen marapattalǵan. Osy kisilerge bıyl 30 myń teńgeden syıaqy beriledi. Al qalǵan tyl eńbekkerleri 15 myń teńge kóleminde alady», - deıdi SQO Ardagerler keńesiniń tóraǵasy Eskendir Eleýsizov.
Bıyl sondaı-aq, soǵys kezinde kontslagerde bolǵan 20 adamǵa 100 myń teńgeden syıaqy beriledi.
«Arnaıy qurylymdarda, ıaǵnı 1941-1945-shi jyldar aralyǵynda Ulttyq Qaýipsizdik salasynda eńbektengen qazirgi tańda kózi tiri bir soltústikqazaqstandyqqa 100 myń teńge beriledi. Soǵys ardagerleriniń nemese soǵan teńestirilgen ardagerlerdiń zaıyptaryna, Lenıngradtyń qorshaýynda bolǵandarǵa 30 myń, sol jerde jumys istegenderge 60 myń teńge kóleminde járdemaqy beriledi», - deıdi Eskendir Eleýsizov.
