SQO-da jemqorlyqqa belshesinen batqan vedomstvolardy atady

PETROPAVL. QazAqparat - Soltústik Qazaqstan oblysy memlekettik organdar jumysynyń tıimdiligi boıynsha elimizde birinshi orynda tur. Bul týraly Memlekettik qyzmet isteri jáne sybaılas jemqorlyqqa qarsy is-qımyl departamentiniń baspasóz qyzmetinde málim etildi, dep habarlaıdy QazAqparat tilshisi.

«Atameken» ulttyq kásipkerler palatasy «2017 jylǵy jemqorlyqqa arnaıy sholý» zertteýiniń qorytyndysy boıynsha, Soltústik Qazaqstan oblysy memlekettik organdardyń jumys tıimdiligi men adaldyq kórsetkishteri boıynsha birinshi orynda tur.

Byltyr «Assambleıa» korporatıvtik qory sybaılas jemqorlyqqa qarsy mádenıet jáne jemqorlyqqa tózbeýshilik deńgeıine áleýmettik zertteý júrgizdi.

Saýalnamada kórsetilgendeı, oblys turǵyndary óńirdegi jemqorlyq deńgeıin bolmashy dep baǵalap otyr.

«Óńir turǵyndary eń jemqor vedomstvolar quqyq qorǵaý, jergilikti atqarý jáne sot organdary dep esepteıdi. Soltústikqazaqstandyqtardyń pikirinshe, HQO-lardyń, qarjy uıymdarynyń, bankterdiń qyzmetteri ashyq jáne taza», - dep atap ótti baspasóz qyzmetinen.