SQO-da jemqorlyq jaıynda habarlaǵan 4 adam 800 myń teńgeden astam syıaqy aldy
QR Sybaılas jemqorlyqqa qarsy is-qımyl agenttiginiń SQO boıynsha departamentiniń qyzmeti týraly vedomstvo basshysy Jarqyn Ǵalymov AnticorLive qyzmetiniń tikeleı efırinde aıtyp berdi.
SQO boıynsha sybaılas jemqorlyqqa qarsy qyzmet bıyl 59 qylmystyq isti tirkese, sonyń 52-si – sybaılas jemqorlyqqa qatysty. Memlekettik organdardyń 8 basshysy ustaldy, olardyń ekeýi oblystyq, qalǵany qalalyq-aýdandyq mańyzdaǵy jetekshiler. Olar keltirgen shyǵyn 47,7 mln teńge, osy kúnge deıin memleketke 91,1 %-y nemese 43,5 mln teńgesi qaıtaryldy.
«Sybaılas jemqorlyqqa qarsy kúreste jumystyń pármendi tetikteriniń biri - sybaılas jemqorlyqqa qarsy is-qımylǵa járdemdesetin adamdardy kótermeleý. Qazaqstanda mundaı azamattardy kótermeleýde jańa saralanǵan júıe engizildi. Buryn syıaqy qylmystyń sanatyna qaraı tólenetin. Qazirgi ýaqytta sybaılas jemqorlyq jaıynda habarlaǵan adam paranyń mólsherinen nemese keltirilgen shyǵynnyń 10 %-y shamasynda syıaqy alady. Biraq eń joǵary syıaqy 4 myń AEK-ten, ıaǵnı 11,6 mln teńgeden aspaýy tıis», - deıdi Jarqyn Ǵalymov.
Departament osy ýaqytqa deıin sybaılas jemqorlyq jaıynda habarlaǵan 4 adamdy kótermeledi, berilgen syıaqynyń jalpy somasy – 816 myń 760 teńge.