SQO-da jelsheshek juqtyrǵandar sany úsh ese artty
PETROPAVL. QazAqparat – Soltústik Qazaqstan oblysynda jelsheshekpen aýyrýdyń 1078 jaǵdaıy tirkeldi, bul ótken jylmen salystyrǵanda úsh ese artyq, dep habarlaıdy QazAqparat tilshisi.
SQO sanıtarııalyq-epıdemıologııalyq baqylaý departamentiniń málimetinshe, jelsheshekti juqtyrǵandardyń shamamen 90% - 14 jasqa deıingi bala, olardyń arasynda 943 jaǵdaı tirkeldi. Byltyr osy kezeńde 396 adam juqtyrǵan.
Naýqastardyń 61% - Petropavl turǵyndary.
Mamandardyń aıtýynsha, jelsheshek aýa tamshylary arqyly taralady.
«Jelsheshekpen aýyratyn naýqastardy anyqtaýdy medıtsınalyq uıymdardyń medıtsına qyzmetkerleri ambýlatorııalyq qabyldaý, úıge barý, medıtsınalyq tekserýler kezinde júrgizedi.
Mektepke deıingi uıymdarda jelsheshekti juqtyrǵan sońǵy naýqas oqshaýlanǵan sátten bastap kúntizbelik jıyrma bir kúnge karantın belgilenedi.
Karantın engizilgen ujymdarda kádimgi dezınfektsııalyq jumystar júrgiziledi, kún saıyn. Bólmeni jeldetip otyrady. Balalardyń qoldaryn jıi jýyp, jeke bas gıgıenasyn saqtaýyn qadaǵalap otyrady», - deıdi SQO sanıtarııalyq-epıdemıologııalyq baqylaý departamentiniń bas mamany Aınash Saǵyndyqova.
SQO-da 21 balabaqshanyń jekelegen toptarynda karantın engizildi. Onyń 19-y – Petropavlda, bir-birden Aıyrtaý jáne Taıynsha aýdandarynda.
