SQO-da jedel járdem qyzmetkerleri halyqaralyq standarttardy meńgeredi
PETROPAVL. KAZINFORM – Soltústik Qazaqstan oblystyq jedel medıtsınalyq kómek ortalyǵynda shuǵyl medıtsınalyq kómek kórsetýdiń halyqaralyq standarttaryn úıretetin jattyqtyrý alańy ashyldy.
SQO jedel medıtsınalyq kómek ortalyǵynyń málimetinshe, bul – Qazaqstanda ashylyp otyrǵan osyndaı alǵashqy ortalyq. Oqytý kýrsy Amerıka júrek qaýymdastyǵy jáne Jedel medıtsınalyq kómek kórsetý tehnıkteri ulttyq qaýymdastyǵynyń baǵdarlamalaryna sáıkes júrgiziledi. Maqsat - naýqastarǵa jedel qyzmet kórsetetin maman ıeleriniń biliktiligin arttyrý.
«Nıý-Iork qalasynda, mysal keltiretin bolsaq, qandaı oqytý deńgeıi qoldanylady, dál sondaı daıyndyqtan Petropavldaǵy mamandar ótip, halyqaralyq sertıfıkat alady. Olar buryn mundaı daıarlyqtan ótý úshin Túrkııaǵa baratyn nemese Izraılden mamandar shaqyrylatyn. Endi bilimdi Qazaqstan aýmaǵynda, Petropavlda qandaı da bir qosymsha shyǵyndarsyz ala alady», - deıdi ortalyqty uıymdastyrýshy «Kazanada» halyqaralyq oqý ortalyǵynyń dırektory Kevın Frık.
Qazir bul kýrs álemniń 100-den astam elinde oqytylyp keledi.
«Jattyǵý alańyn ashpas buryn materıaldyq-tehnıkalyq bazany nyǵaıttyq. Jetkilikti mólsherde manekender, qajetti jabdyqtar satyp aldyq. Osylaısha, bizde medıtsına qyzmetkerleriniń, feldsherlerdiń jáne dárigerlerdiń úzdiksiz biliktiligin arttyratyn bolamyz. Oqý kýrsyn ózimizdiń ortalyqtyń halyqaralyq deńgeıdegi 4 nusqaýshysy ótkizip jatyr. Oqytý negizinen praktıkalyq sabaqtardan quralǵan», - deıdi SQO jedel medıtsınalyq kómek ortalyǵynyń dırektory ıÝrıı Belonog.
Baǵdarlama - alǵashqy kómek, negizgi reanımatsııa, keńeıtilgen júrek-ókpe reanımatsııasy, pedıatrııadaǵy keńeıtilgen júrek-ókpe reanımatsııasy, jaraqat alǵan kezde ómirdi qoldaýdyń aýrýhanaǵa deıingi júıesi jáne kólik júrgizýshileriniń qaýipsizdigi kýrstarynan quralǵan.
Jedel medıtsınalyq kómek kórsetýdiń halyqaralyq standarttaryn oqytý kýrsynan alǵashqy 12 adam ótip jatyr. Kýrsanttarǵa halyqaralyq úlgidegi sertıfıkat beriledi.
