SQO-da jazasyn óteýshiler vaktsına ala bastady
PETROPAVL. QazAqparat – Soltústik Qazaqstan oblysynda 15 sáýirden bastap túzetý mekemelerinde jazasyn ótep jatqandarǵa koronavırýsqa qarsy vaktsına egile bastady, dep habarlaıdy QazAqparat tilshisi.
SQO boıynsha qylmystyq-atqarý júıesi departamenti baspasóz qyzmetiniń málimetinshe, sáýir aıynan bastap oblys boıynsha vedomstvo qyzmetkerleriniń jeke quramyn vaktsınatsııalaý bastaldy.
Búginge deıin qyzmetkerlerdiń 93 %-y koronavırýsqa qarsy vaktsınanyń birinshi komponentin aldy. SQO boıynsha QAJD bastyǵynyń orynbasary Aleksandr Kochkınniń aıtýynsha, vaktsına alýdan qorqýdyń keregi joq.
«Vaktsınatsııadan keıin dárigerler kóp sý iship, aýyr jumyspen aınalyspaý qajettigin aıtyp, ekken jerdi 3 kún boıy sýlamaýǵa keńes berdi.
Keı qyzmetkerlerde keshke qaraı temperatýra shamaly kóterildi.
Dárigerlerdiń aıtýynsha, bul aǵzanyń qalypty reaktsııasy. Men ózimdi jaqsy sezindim. Biz «Spýtnık V» vaktsınasyn aldyq», - deıdi Aleksandr Kochkın.
15 sáýirden bastap oblysta sottalǵandarǵa vaktsına egile bastady.
Birinshi bolyp qaýipsizdigi barynsha tómen - ES 164/9 mekemesiniń 30 jazasyn óteýshi vaktsınatsııalandy.
«Aýrýhana terapevti aldymen meniń jaǵdaıymdy tekserdi. Suraqtar qoıdy. Tek sosyn ǵana vaktsına alýǵa jiberdi. 30 mınýttan keıin ekpe ornyn tekserip, aǵzanyń reaktsııasyn baıqady. Qazir ekpeden keıin jaǵdaıym jaqsy, esh ózgeris baıqaǵan joqpyn», - deıdi A. esimdi sottalǵan.
16 sáýirde ES-164/1 aralas qaýipsizdik mekemesi (tergeý ızolıatory) sottalǵandaryna vaktsınatsııa júrgizilse, aldaǵy onkúndikte SQO boıynsha QAJD ES-164/3,6 mekemelerindegi jazasyn óteýshiler ekpe almaq.
Jalpy SQO boıynsha preparattyń birinshi komponentin 17 myń 826 adam, al ekinshi komponentti 2 myń 693 adam aldy.
