SQO-da jazasyn óteýshiler arasynda «Úmit» baıqaýy ótti
PETROPAVL. QazAqparat – Soltústik Qazaqstan oblysynda sottalǵandar arasynda dástúrli «Úmit» baıqaýy ótti, dep habarlaıdy QazAqparat tilshisi.
SQO boıynsha qylmystyq atqarý júıesi departamenti baspasóz qyzmetiniń málimetinshe, «Úmit» kórkemóner baıqaýyna barlyq mekemelerden jazasyn óteýshiler qatysty. Bıyl is-shara el Táýelsizdiginiń 30 jyldyǵyna oraılastyrylyp, baıqaý jumystary «Meniń Qazaqstanym» taqyrybyna arnaldy.
Bul joly da ES-164/6 mekemesinde, ıaǵnı áıelder kolonııasynda jazasyn óteýshiler belsendilik tanytty. Sottalǵan áıelder baıqaýǵa akvarel, maıly boıaý, mozaıka jáne dymqyl qaǵaz tehnıkasynda oryndalǵan qyzyqty kórkem týyndylaryn usyndy.
«Sottalǵandar kontıngenti - bul ártúrli jastaǵy, túrli bilimi men qabileti bar adamdar. Kóbinese tutqyndaý jaǵdaıynda sottalǵandardyń jasyryn talanttary men shyǵarmashylyq áleýeti ashylady. Mysaly, 2018 jyly 1 oryn alǵan sottalǵannyń jumysy Máskeý qalasynda ótken konkýrsqa usynyldy. Pravoslavıe eparhııasynyń ókilderi ol salǵan áýlıeniń beınesin joǵary baǵaldap, jumysyn atap ótti. Jumystyń avtory, jazasyn óteýshi áıel gramotamen, estelik syılyqpen marapattaldy, al mekeme ákimshiligi sottalǵandar arasynda rýhanııatty tárbıeleý isindegi jumysy úshin alǵyshat aldy», - deıdi SQO boıynsha QAJD ES-164/6 mekemesi bastyǵynyń tárbıe jumysy jónindegi orynbasary Dáýren Sádýaqasov.
«Úmit» baıqaýyna qatysýshylardyń eńbekteri arnaıy uıymdastyrylǵan kórmege qoıyldy. Sýretter galereıasy qazylar alqasyna, qoǵam ókilderine usynyldy. Olardyń pikirinshe, barlyq jumystar qyzyqty jáne nazar aýdarýǵa turarlyq.
