SQO-da jazasyn ótep jatqan 15 adam orta mektepti bitirdi
PETROPAVL. QazAqparat – Soltústik Qazaqstan oblysyndaǵy túzetý mekemelerinde jazasyn ótep jatqandar úshin de «sońǵy qońyraý» soǵylyp, 15 sottalǵan orta bilim aldy, dep habarlaıdy QazAqparat tilshisi.
SQO qylmystyq atqarý júıesi departamenti baspasóz qyzmetiniń málimetinshe, ES-164/3,6 mekemelerinde «sońǵy qońyraý» merekesi ótti.
ES-164/6 áıelder kolonııasynda bıyl 7 qyz-kelinshek orta bilim alyp shyqty.
Osyǵan oraı saltanatty shara uıymdastyrylyp, kontserttik baǵdarlama qoıyldy, qabyrǵa gazeti shyǵaryldy.
«Meniń taǵdyrym men josparlaǵandaı bolmady. Túzý joldan taıyp, shalys bastym. Endi sonyń jazasyn ótep jatyrmyn. Men, tipti mektep te bitirmedim. Biraq mekemede maǵan bilim alýǵa múmkindik berdi. Odan ári Petropavl kásiptik kolledjine oqýǵa túskim keledi. Bostandyqqa shyqqannan keıin eshkimge qol jaımaı, mamandyǵym boıynsha jumys isteıtin bolamyn», - deıdi sottalǵan O.
Mamandardyń aıtýynsha, mekemedegi mekteptiń basqa bilim ordalarynan aıyrmashylyǵy joq.
Bul jerde de barlyq pánder boıynsha sabaq oqytylyp, úı tapsyrmasy beriledi. Mektep bitirýshiler attestat alady.
Jalpy bıyl SQO túzetý mekemelerinde 15 sottalǵan, sonyń 8-i er adam orta mektepti bitirdi.
