SQO-da jasóspirimder qylmysy 20 paıyzǵa azaıdy
PETROPAVL. KAZINFORM – SQO-da jasóspirimder qylmysy 20 paıyzǵa azaıdy. Bul týraly Polisia.kz habarlady.
Soltústik Qazaqstan oblysynda jasóspirimder arasynda qylmys deńgeıiniń tómendeýi baıqalyp otyr. ıÝvenaldyq polıtsııa qyzmetkerleriniń málimetinshe, bıylǵy úsh aıda kámeletke tolmaǵandar 4 qylmys jasaǵan. Bul ótken jyldyń sáıkes kezeńimen salystyrǵanda bir jaǵdaıǵa az. Sondaı-aq kámeletke tolmaǵandarǵa qatysty jasalǵan qylmystar sany 20 paıyzǵa tómendegen — 20-dan 16-ǵa deıin azaıǵan.
Polıtseıler mundaı nátıjege profılaktıkalyq sharalardyń keń aýqymdy qoldanylýynyń arqasynda qol jetkizilgenin aıtady. 2023 jyldan bastap oblysta qolaısyz otbasylardy anyqtaý jónindegi komıssııa jumys isteıdi. Onyń quramynda polıtsııadan bólek, barlyq múddeli memlekettik organdar men qoǵam ókilderi bar.
Esepte turǵan jasóspirimder men óz balalaryna jaýapkershilikpen qaramaıtyn ata-analar turaqty baqylaýǵa alynǵan. Bul baǵyttaǵy jumys 10 sáýirde oblysta bastalǵan respýblıkalyq «Jasóspirim» jedel-profılaktıkalyq is-sharasy aıasynda kúsheıtildi. Bir aı boıy polıtsııa qyzmetkerleri páterlerdi aralap, túngi kóshelerde reıdter ótkizedi. Bul, ásirese, kóktemniń alǵashqy jyly kúnderinde ózekti.
Kámeletke tolmaǵandardyń qaýipsizdigi men olardyń zańdy quqyqtary men múddeleriniń saqtalýy — polıtsııa qyzmetiniń «Zań men Tártip» qaǵıdasyn júzege asyrý jolyndaǵy mańyzdy kórsetkishteriniń biri.
Eske sala keteıik, buǵan deıin SQO-da jer ýchaskesin zańsyz bergeni úshin jer komıssııasynyń músheleri jazalanǵanyn habarlaǵan edik.