SQO-da jasóspirim kóz jumdy

PETROPAVL. KAZINFORM — Soltústik Qazaqstanda oblysy Aqqaıyń aýdanyndaǵy Kenjeǵaly aýylynda jasóspirim kóz jumdy.  

SQO polıtsııa departamenti baspasóz qyzmetiniń málimetinshe, osy oqıǵaǵa qatysty qylmystyq is qozǵaldy. 

— Polıtsııa bolǵan oqıǵanyń mán-jaıy men sebepterin anyqtaý úshin qajetti tergeý is-sharalaryn júrgizip jatyr. Qazaqstan Respýblıkasy Qylmystyq-protsestik kodeksiniń 201-babyna sáıkes, ózge málimetter jarııa etýge jatpaıdy, — delingen baspasóz habarlamasynda.

Desek te, resmı emes málimet boıynsha qaza bolǵan jasóspirim 17 jasta. Ol aýlasyndaǵy beltemirge asylyp qalǵan. Ony tańerteń úıden shyqqan ákesi kórgen.
Buǵan deıin SQO-da 15 jasar jasóspirim qoldan jasalǵan qarýmen atylyp qalǵanyn jazǵan edik.