SQO-da jasóspirim qoldan jasalǵan qazanshuńqyrǵa batyp ketti

PETROPAVL. KAZINFORM – Soltústik Qazaqstan oblysynda 14 jasar bala qazanshuńqyrǵa batyp, kóz jumdy. 

SQO Tótenshe jaǵdaılar departamenti baspasóz qyzmetiniń málimetinshe, oqıǵa keshe keshqurym Qyzyljar aýdany Podgornoe eldi mekeninde bolǵan. Sýǵa ketken jasóspirimniń denesin qutqarýshylar qazanshuńqyrdan alyp shyqty.

SQO Polıtsııa departamenti baspasóz qyzmeti málim etkendeı, jasóspirimniń mert bolýyna baılanysty qylmystyq is qozǵaldy. Oqıǵanyń mán-jaıy anyqtalyp jatyr. 

Buǵan deıin SQO-da qutqarýshylar shomylýǵa qaýipti sý qoımalaryn ataǵan edi. Bıyl óńirde sý qoımalarynyń tek 13-inde ǵana halyq sýǵa shomylatyn arnaıy oryndar ázirlendi. Ruqsat etilgen 60 oryn bar. 

Sondaı-aq SQO-da gaz tasymaldaýshy kólik jarylyp, 8 adamdy kúıik shalǵanyn jazǵan edik.