SQO-da jasóspirimdi zorlady degen kúdikpen er adam ustaldy

PETROPAVL. QazAqparat – Soltústik Qazaqstan oblysynda 14 jastaǵy qyzdy zorlady degen kúdikpen 36 jastaǵy er adam ustaldy, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, 14 jastaǵy qyzdy zorlaý týraly aryz osy jyldyń 4 mamyrynda Petropavl qalasynyń polıtsııa basqarmasyna túsedi.

Polıtsııa qyzmetkerleri oblys ortalyǵynyń 36 jastaǵy turǵynyn anyqtap, ustady. Qazirgi ýaqytta kúdikti er adam qamaýda otyr.

«Atalǵan fakt boıynsha tıisti saraptamalar jáne qajetti tergeý áreketteri júrgizilip jatyr, olardyń nátıjesi boıynsha protsestik sheshim qabyldanady. Oqıǵaǵa qatysty basqa aqparat tergeý múddesi úshin jarııa etilmeıdi», - delingen baspasóz habarlamasynda.

Buǵan deıin bıylǵy qańtar-mamyr aılarynda kámeletke tolmaǵandarǵa qatysty myńnan astam quqyq buzýshylyq tirkelgenin aıtqan edik. Bul - ótken jylmen salystyrǵanda 7,6%-ǵa artyq.

Quqyq buzýshylyqtyń saldarynan kóbine on alty jasqa tolmaǵan jasóspirimder zardap shekken. 158 jynystyq qatynas faktisi tirkeldi.

Óńirler boıynsha eń kóp quqyq buzýshylyq Túrkistan oblysynda tirkeldi. Jyl ishinde 100 qylmys jasalǵan. SQO eń az quqyq buzýshylyq áreketi tirkelgen oblystar qatarynda. Bul óńirde osy aralyqta 26 jaǵdaı esepke alynǵan.