SQO-da jasóspirim ózin-ózi qarýmen jaraqattap aldy
PETROPAVL. QazAqparat – Soltústik Qazaqstan oblysynda 16 jastaǵy jasóspirim abaısyzda ózin pnevmatıkalyq qarýmen jaraqattap aldy, dep habarlaıdy QazAqparat tilshisi.
SQO Polıtsııa departamenti baspasóz qyzmetiniń málimetinshe, oblystyq balalar aýrýhanasyna oq jaraqatyn alǵan 16 jastaǵy jasóspirim júgingen.
12 qarasha kúni Qyzyljar aýdanynyń turǵyny 18 jastaǵy tanysynyń úıine barǵan. Onyń pnevmatıkalyq myltyǵyn kórmek bolady. Myltyqtyń oqtalyp turǵanyn bilmeı, abaısyzda aıaǵyn atyp alǵan.
Kelesi kúni feldsherge júginip, ol oblystyq balalar aýrýhanasyna joldaıdy. Dárigerler atalǵan fakti týraly polıtsııaǵa habarlaǵan.
Qazirgi ýaqytta ýchaskelik polıtsııa ınspektory QR Ákimshilik quqyq buzýshylyq týraly kodeksiniń «Eldimekenderde atys qarýynan, gazdy, pnevmatıkalyq, laqtyrylatyn jáne elektrli qarýdan oq atý, pırotehnıkalyq buıymdardy qoldaný» baby boıynsha ákimshilik materıal jınap jatyr. Myltyq sot sheshimine deıin tárkilendi. ıÝvenaldyq polıtseıler jasóspirimniń ata-anasymen profılaktıkalyq áńgime júrgizdi.
«Jasóspirim jaqsy otbasydan shyqqan. Oqys oqıǵa ańshylyq jáne sporttyq qarý ıelerin qarýdy belgilengen erejelerge saı saqtaýlary qajettigin eskertedi. Al ata-analar balalaryna júris-turys erejelerin túsindirgeni jón», - deıdi Qyzyljar aýdany polıtsııa bóliminiń bastyǵy Álıhan Baıqadamov.
