SQO-da jas jigit ańshy myltyǵynan oq atyp, týystaryn qorqytqan
PETROPAVL. QazAqparat – Soltústik Qazaqstan oblysynyń turǵyny úıinde ańshy myltyǵynan birneshe ret oq atyp, týystaryn qorqytqan, dep habarlaıdy QazAqparat tilshisi.
SQO Polıtsııa departamenti baspasóz qyzmetiniń málimetinshe, oqıǵa Taıynsha qalasynda bolǵan. 26 jastaǵy jigit otbasylyq janjal kezinde tirkelmegen ańshy myltyǵynan úıinde birneshe ret oq atqan. Týystary polıtsııa shaqyrýǵa májbúr boldy. Olardyń eshqaısysy zardap shekken joq.
Bul fakti «Buzaqylyq» baby boıynsha sotqa deıingi tergep-tekserýdiń biryńǵaı tizilimine engizildi. Polıtsııa qyzmetkerleri shaqyrylǵan kezde, ol qarýdy alyp oqıǵa ornynan jasyrynǵan. Er adamdy Taıynsha aýdany polıtsııa bóliminiń qyzmetkerleri aýdan ortalyǵyndaǵy kóshelerdiń birinde ustady. Ol mas bolǵan. Qardan 16 kalıbrli ańshy myltyǵy, uńǵydan 1 patron tabyldy. Oqıǵa ornyn teksergen kezde 3 patron men 3 atylǵan gılza anyqtaldy.
Taıynsha aýdany polıtsııa bóliminiń bastyǵy Nurlyjan Aqtanovtyń aıtýynsha, kúdiktige qatysty «qamaýǵa alý» bultartpaý sharasy qoldanyldy.
