SQO-da jarty jylda jol qozǵalysy qaǵıdalaryn buzýdyń 120 myńnan astam deregi anyqtaldy
PETROPAVL. KAZINFORM – Sonyń 70 myńǵa jýyǵy apparattyq-baǵdarlamalyq keshenderdiń kómegimen anyqtalǵan.
Petropavlda joldyń qaq ortasynda qaýipti «drıft» jasaǵan kólik júrgizýshisi osyndaı beınekameralardyń birine túsip qalǵan.
Soltústik Qazaqstan oblysy polıtsııa departamenti baspasóz qyzmetiniń málimetinshe, oqıǵa saǵat 15:30 shamasynda Internatsıonal jáne Jambyl kósheleriniń qıylysynda bolǵan. BMW avtokóliginiń júrgizýshisi ońǵa burylý kezinde «drıft» jasaǵan. Saldarynan kóligi qarsy qozǵalys jolaǵyna shyǵyp ketip, qaýip týdyrǵan. Óz jolaǵyna qaıta oralýǵa árekettengen júrgizýshi basqa kólikter men jaıaý júrginshilerdiń qozǵalysyna da kedergi keltirgen.
Patrýldik polıtsııa batalonynyń qyzmetkerleri beınebaqylaý ınspektorlarymen birlesip, quqyq buzýshyny toqtatty. Rýlde 22 jastaǵy Petropavl turǵyny bolǵan. Oǵan qarsy qozǵalys jolaǵyna shyǵý faktisi boıynsha ákimshilik materıal jınaldy. Ákimshilik sot júrgizýshini 6 aı merzimge kólik quralyn basqarý quqyǵynan aıyrdy. Avtokólik arnaıy turaqqa qoıyldy.
Sonymen qatar tekserý barysynda júrgizýshiniń mamyr aıynda kóliktiń paıdalanylǵan gaz shyǵarý júıesin zańsyz qaıta jabdyqtaǵany úshin ákimshilik jaýapkershilikke tartylǵany anyqtaldy. Alaıda ol zań buzýshylyqty joımaǵan. Bir jyl ishinde qaıtalanǵan quqyq buzýshylyq úshin zańnamada 20 AEK mólsherinde aıyppul kózdelgen.
Jyl basynan beri SQO polıtseıler 120 myńnan astam jol qozǵalysy qaǵıdalaryn buzý faktisin anyqtady. Onyń ishinde qarsy qozǵalys jolaǵyna shyǵýdyń 90 deregi, jaıaý júrginshilerge jol bermeýdiń 1 myńnan astam faktisi tirkeldi. Budan bólek, 600-ge jýyq mas júrgizýshi ustaldy.
Buǵan deıin SQO polıtsııasy «QyzdarNet» saıtyna qatysty jedel-izdestirý sharalaryn aıaqtamaǵanyn jazǵan edik.
