SQO-da jarty jylda qansha bala dúnıege keldi
PETROPAVL. KAZINFORM — Soltústik Qazaqstan oblysynda jarty jylda 2114 náreste dúnıege kelgen.
Ulttyq statıstıka bıýrosynyń SQO boıynsha departamentiniń málimetinshe, dúnıege kelgenderdiń 1075-i ul bala jáne 1039-y qyz bala.
Bala týý kórsetkishi boıynsha Aqjar, Ýálıhanov jáne Shal aqyn aýdandary alda, al Aqqaıyń men M.Jumabaev aýdandary artta keledi.
2026 jylǵy qańtar-maýsymda 2943 adam qaıtys boldy. Halyqtyń negizgi ólim sebepterine keler bolsaq, qan aınalymy júıesiniń aýrýlarynan turǵyndardyń 19% qaıtys bolǵan, ekinshi orynda 18% júıke júıesiniń aýrýlary jáne 14% tynys alý organdarynyń aýrýlary keledi. Onkologııalyq aýrýlar men as qorytý organdarynyń aýrýlarynyń da úlesi joǵary. Sondaı-aq dúnıeden ótkenderdiń 9,6% — jazataıym oqıǵalardan, 6,5% — ýlaný men jaraqattanýdan kóz jumǵan.
Jarty jyldyń ishinde óńirde 1300 neke tirkeldi. Azamattyq hal aktilerin tirkeý organdarynyń derekteri boıynsha 728 jup ajyrasyp ketken.
Qazirgi ýaqytta SQO-da 512 myń adam turady. Onyń ishinde 50,4% — qalalyqtar.
Buǵan deıin Qazaqstanda jol apatynan bolatyn ólim-jitim 7,8% tómendegenin jazǵan edik.
