SQO-da jańadan ashylǵan tsıfrly ferma 10 myń adamdy sút ónimderimen qamtıdy
SQO ákimi Qumar Aqsaqalov jańadan ashylǵan zamanaýı fermanyń jumysymen tanysyp, alǵan áserin áleýmettik jelidegi jeke paraqshasynda oqyrmandarymen bólisti.
«Búgin Qyzyljar aýdanynyń Chapaevo aýylynda «Qyzyljar sút» jaýapkershiligi shekteýli seriktestiginiń sút fermasy iske qosyldy. Bul tsıfrly ferma. Protsester avtomattandyrylǵan, bul eńbek ónimdiligin arttyrady. Fermany salýǵa 3,3 mlrd teńge ınvestıtsııa quıyldy. 35 soltústikqazaqstandyq turaqty jumyspen qamtyldy», - dep jazdy oblys ákimi.
Ferma jylyna 3,6 myń tonna sút óndirmek.
«Bizdiń elimizde bir qazaqstandyqqa shaqqandaǵy sút tutyný normasy jylyna 340 lıtrdi quraıdy. ıAǵnı, bul ferma jylyna 10 myń adamdy sútpen qamtamasyz ete alady.⠀
Biz bıyl 10 sút fermasynyń qurylysyn bastaý mindetin qoıǵan edik. Іs júzinde 11 fermany salyp jatyrmyz. Onyń ishinde 5 sút kesheni ashyldy. Taǵy 10 fermanyń qurylysy 2021 jyly bastalady. Bul jobalarǵa qajet qarajat 2021 jylǵy bıýdjette qarastyrylǵan», - deıdi Qumar Aqsaqalov.
SQO-da aldaǵy birer jylda sút fermalaryn 21-ge jetkizý nátıjesinde jylyna 51 myń tonna sút óndiriletin bolady. Aýyldyń 500 turǵyny jumyspen qamtylady.
Budan basqa jyl sońyna deıin 1 myń etti baǵyttaǵy iri qara malǵa arnalǵan ferma iske qosylmaq. Óńirde 13 myń maldy bordaqylaýǵa arnalǵan taǵy eki nysan salynyp jatyr.
