SQO-da Jańa jyl merekesinde aýa raıy qandaı bolady
PETROPAVL. QazAqparat – Soltústikqazaqstandyq sınoptıkter Jańa jyl merekesinde aýa raıynyń qandaı bolatynyn aıtty, dep habarlaıdy QazAqparat.
«Qazgıdromet» RMK-nyń habarlaýynsha, soltústikte 30-31 jeltoqsan aralyǵynda qar jaýyp, tuman túsip, boran soǵady. Soltústik-shyǵystan jyldamdyǵy sekýndyna 9-14 metrlik jel soǵady, keı jerlerde ol 15-20 metr jyldamdyqpen uıtqıdy. Túnde termometr baǵany -15-20 gradýsqa deıin tómendeıdi. Kúndiz - 8-13 bolady, keı jerlerde - 16 gradýs aıaz.
2020 jyldyń 1 - qańtarynan bastap, jel batysqa qaraı baǵyt alady. Qar jaýyp, tuman túsip, boran soǵýy yqtımal. Túnde - 12-17 gradýs sýyq, keı jerlerde -20 gradýsqa deıin sýytady. Kúndiz - 5-10 gradýs aıaz, keı jerlerde - 13 gradýs bolady.
2 qańtar kúni óńirde qar jaýady. Keı jerlerge tuman túsedi. Jel batystan sekýndyna 9-14 metr jyldamdyqpen soǵady. Keı jerlerde sekýndyna - 15-20 metrge deıin jetýi yqtımal. Kúndiz aýa temperatýrasy - 3-8 bolady, birqatar aýmaqtarda - 11 gradýs aıaz bolýy yqtımal. Túnde - 8-13, keı jerlerde 16 gradýs aıaz. Aýa raıy 3 qańtar kúni de osyndaı bolady.
