SQO-da jańa turǵyn úıdiń kireberisi qulady
PETROPAVL. QazAqparat – Soltústik Qazaqstan oblysynyń Aqqaıyń aýdanynda eki qabatty úıdiń qabyrǵasy qulady, dep habarlaıdy QazAqparat.
Áleýmettik jelide taraǵan sýretterde qulaǵan kireberistiń kirpishten qalanǵanyn, temir esiktiń qısaıyp qalǵanyn kórýge bolady. Oqıǵa 2016 jyly memlekettik baǵdarlama boıynsha salynǵan 18 páterli eki qabatty úılerdiń birinde bolǵan. Qurylysty salǵan merdiger -«Lıra» JShS.
«Túnde temir esik ashyq bolǵan, jel qatty uıytyp soqqanda kiriberistiń qabyrǵasy ishinara qulady. Aqqaıyń aýdanynyń qurylys bólimi men »Lıra« JShS arasyndaǵy 2016 jyly jasalǵan shartqa sáıkes, zalaldy joıý týraly merdiger uıymnyń basshylyǵyna júgindik. «Lıra» JShS tambýrdy qalpyna keltirý jumystaryn júrgizýge mindetti», - dedi Aqqaıyń aýdany ákimdiginiń ókili.
Soltústik Qazaqstan oblysy Tótenshe jaǵdaılar departamentiniń málim etýinshe, oqys oqıǵa tótenshe jaǵdaı sanatyna jatpaıdy.
«Ǵımarattyń konstrýktsııalyq elementteri zaqym kelmegen», - dep málim etti.
Sol kúni óńirde jeldiń ekpini sekýndyna 28 metrge deıin jetetindegi týraly daýyldy eskertý jasalǵan.
