SQO-da jańa oqý jylyna 624,6 mln teńgege 364 myń oqýlyq satyp alynbaq
PETROPAVL. QazAqparat – Soltústik Qazaqstan oblysynda oqýshylardy jańa oqý jylynda oqýlyqpen qamtý úshin 624,6 mln teńge jumsaldy, dep habarlaıdy QazAqparat tilshisi.
SQO bilim basqarmasynyń málimetinshe, aýdandar men Petropavldyń bilim bólimderi oqýlyqtar satyp alý úshin baspalarmen 181 shart jasaǵan. Bıyl oblysqa 624,6 mln teńgege 364 myń oqýlyq jetkizilmek. Kitaptardy tasymaldaýǵa 15 shart jasaldy.
Qazir óńirdiń 500-ge jýyq mektebiniń oqýshylaryna kitaphanalarda bar 67 435 oqýlyq jıyntyǵy 100% taratyldy. Oqýlyqpen 2-11 synyp oqýshylary qamtyldy.
«Qazirgi ýaqytta oqý ádebıetterin tırajdaý jalǵasyp jatyr. Baspalar men tasymaldaýshylar oqýlyqtardy belgili bir kestemen óńirge jetkizip otyrady. Ol keste bekitildi jáne partııamen jóneltilip jatyr.
Oqý ádebıetterin baspalardan barlyq óńirlerge jóneltý 20 tamyzǵa deıin josparlanǵan. 25 tamyzǵa deıin oblystyń barlyq mektepteri jańa oqýlyqtarmen qamtamasyz etiledi», - delingen baspasóz habarlamasynda.
Qazirgi ýaqytta baspalardyń 42 pýnktinen oqýlyqtar men oqý-ádistemelik jıyntyqtar tıeldi, al 23 tıeý pýnktinen jetkizildi.
