SQO-da jańa basqarma qurylady
Oblys ákiminiń orynbasary Madııar Qojahmet tsıfrlandyrý máselelerimen aınalysatyn bólek basqarma ashýdy jón sanaıdy. Óńirde «Tsıfrlyq Qazaqstan» baǵdarlamasy boıynsha birneshe joba júzege asyrylýda. Olardy baqylaýǵa alyp, jańalaryn engizý qajettiligi týyndap otyr. M. Qojahmet bul máselelerge jetekshilik etetin IT-mamandardan quralǵan top qajet degen pikirdi ustanyp otyr. Qazaqstan óńirlerinde bul problemany sheshýge ártúrli ádister usynyldy. Birqatar oblystarda bólek basqarmalar ashyldy.
«Biz de tsıfrlandyrý boıynsha basqarma ashý jóninde sheshim qabyldaýymyz tıis. Bul - keleshegi bar baǵyt. Barlyq salalarda memlekettik qarajattyń únemdelip jatqanyn, qabyldanǵan sheshimderdiń aıqyndylyǵyn, jemqorlyq qaýpiniń azaıǵanyn kórip otyrmyz. Qazir jumys jasap jatqan bólimniń qarajaty jetkiliksiz», - degen oblys ákimi Qumar Aqsaqalov bul usynysqa qoldaý bildirdi.
M. Qojahmettiń málimetinshe, qazirgi tańda tsıfrlandyrý elementteri barlyq salalarǵa engizilip jatyr. Soltústikqazaqstandyqtardyń elektrondyq nusqada alǵan qyzmetteriniń kólemi 70% artqan. Sondaı-aq, mobıldik «elektrondyq úkimet» qoldanýshylarynyń sany úsh ese kóterilgeni anyqtaldy.