SQO-da jalpyrespýblıkalyq ashyq sabaqqa 80 myńǵa jýyq oqýshy qatysty

PETROPAVL. QazAqparat – Soltústik Qazaqstan oblysynyń mektepteri men kolledjderinde «Qazirgi Qazaqstan. Elbasy kóshbasshylyǵynyń sabaǵy» atty jalpyrespýblıkalyq ashyq sabaq ótip, oǵan 80 myńǵa jýyq oqýshy qatysty, dep habarlaıdy QazAqparat tilshisi.

Tuńǵysh Prezıdent kúni qarsańynda uıymdastyrylǵan biryńǵaı sabaqtyń maqsaty - táýelsiz el – Qazaqstan Respýblıkasyn qalyptastyrý men damytýdaǵy Elbasynyń rólin oqýshylarǵa túsindirý, olardyń boıynda qazaqstandyq patrıotızm men belsendi azamattyq ustanymdy tárbıeleý.

SQO bilim berý basqarmasy baspasóz qyzmetiniń málimetinshe, tómengi synyp oqýshylary ashyq sabaqta Ult Kóshbasshysy – Nursultan Nazarbaevtyń ómirbaıanymen tanysty. Orta býyn men joǵary synyp oqýshylary Elbasynyń eńbekteri jaıynda bilimderin tolyqtyryp, Tuńǵysh Prezıdenttiń ekonomıkany, halyqaralyq qatynastardy, qoǵamdaǵy beıbitshilik pen kelisimdi nyǵaıtýda qolǵa alǵan bastamalarymen tanysty, atqarǵan jumystary jaıynda mol maǵlumat aldy.

Bul kúni balalarǵa muǵalimder emes, óńirge tanymal adamdar, qoǵam qaıratkerleri, ardagerler, depýtattar, ǵalymdar, saıasattanýshylar, Qazaqstan halqy Assambleıasynyń músheleri sabaq berdi.

Ashyq sabaqqa oblys mektepteriniń 71 myń, kolledjderdiń 9 myń oqýshysy qatysty.