SQO-da jalǵyz ózi úsh bala tárbıelep otyrǵan áke jurttan kómek surady
ASTANA. QazAqparat - Soltústik Qazaqstan oblysynda úsh bala tárbıelep otyrǵan jalǵyz áke qıyn jaǵdaıda qaldy, dep habarlaıdy «QazAqparat» HAA KTK telearnasyna silteme jasap.
Tórt jyl buryn áıeli ony tastap Pavlodarǵa, ózgege ketip qalǵan. Er adam júk tıeýshi bolyp jumys isteıdi. Aýyr eńbekpen taýyp júrgen 25 myń teńgege alty jasar uly men 8 jáne 11 jastaǵy eki qyzyn asyrap keledi.
«Áıelim ulymyzdy áketpek boldy, biraq qyzdarym oǵan kóngen joq. Baýyrlardy bir-birinen bólmeý kerek dep sheshtim. Qazir jaǵdaıymyz qıyn bolyp tur, baspana jaıy taǵy bar, elden kómek suraǵym keledi», - deıdi Jaqsylyq Asqarov.
Birneshe jyl buryn ol eski úı satyp alǵan, biraq áli resimdeı alǵan joq.
«Ol áskerı qyzmetshi emes, memlekettik qyzmetshi emes, múgedek te emes. Eger baspanasy apattyq jaǵdaıda dep tanylǵanda, osy sanat boıynsha baspana kezegine turýy múmkin edi», - deıdi Maǵjan Jumabaev aýdandyq turǵyn úı-kommýnaldyq sharýashylyq bóliminiń bastyǵy Serik Qosanov.
Jaqsylyq áıelimen áli de resmı nekede. Buǵan Pavlodarǵa baryp ajyrasyp kelýge qarajaty joǵyn ýáj etedi. Sot balalardyń anasyn alıment tóleýge mindettedi. Qazir onyń qaryzy mıllıon teńgeden asyp ketken. Balalarǵa memleketten járdemaqy berý belgilenbegen.
