SQO-da jalǵan shot-faktýra jazyp, paıdaǵa kenelgen qylmystyq top anyqtaldy
SOLTÚSTІK QAZAQSTAN. QazAqparat – Soltústik Qazaqstan oblysynda jyldar boıy jalǵan shot-faktýralar jazyp, qarajatty zańsyz qolma-qolǵa aınaldyrýmen aınalysqan uıymdasqan qylmystyq toptyń joly kesildi, dep habarlaıdy QazAqparat.
QR QM Qarjy monıtorıngi komıtetiniń SQO boıynsha Ekonomıkalyq tergeý departamenti «STOP-OBNAL» jedel-profılaktıkalyq is-sharasyn ótkizgen. Osy jumystyń aıasynda qylmystyq toptyń zańsyz áreketteri anyqtalyp otyr.
«Qylmystyq toptyń zańsyz áreketimen olardyń kontragentteri aldyn-ala esep boıynsha 500 mln teńgeden astam somada salyq tóleýden jaltarǵan. 2020 jylǵy 9 maýsymda jedel-izdestirý is-sharalaryn júrgizý barysynda uıymdasqan qylmystyq toptyń qatysýshylary 9,3 mıllıon teńge somasyndaǵy zańsyz qolma-qolǵa aınaldyrylǵan aqshany qaıtarý kezinde ustaldy. Bul fakt boıynsha QR QK 262-babynyń 1 jáne 2 b., 216-babynyń 3-b. sáıkes sotqa deıingi tergeý bastaldy», - delingen habarlamada.
Tergeý áreketteri barysynda býhgalterlik qujattar, tsıfrlyq qoltańbasy bar flesh-kartalar, UQT basqaratyn kásiporyndardyń mórleri men mórtabandary, bank kartalary jáne 12 mln teńge somasyndaǵy qolma-qol aqsha tárkilenip alyndy.
Petropavl qalasynyń mamandandyrylǵan tergeý soty qylmystyq is-áreketke qatysy bar tórt adam 2 aı merzimge qamaýǵa alyndy.
