SQO-da jalǵan ekpe qoıý faktileri anyqtaldy
PETROPAVL. KAZINFORM – Soltústik Qazaqstan oblysynyń prokýrorlary densaýlyq saqtaý mekemelerin tekserip, birqatar zańbuzýshylyqty anyqtady. SQO prokýratýrasynyń málimetinshe, emdeý mekemeleri medıtsınalyq maqsattaǵy buıymdardy utymsyz paıdalanyp, jalǵan ekpe qoıý jáne resmı qujattardy burmalaý sııaqty óreskel zań buzýshylyqtarǵa jol bergen.
Máselen densaýlyq saqtaý qoımasynda jalpy somasy 7,8 mln teńge bolatyn 1,8 myń doza kóleminde qyzylsha, parotıt, qyzamyq jáne A gepatıtine qarsy jaramdylyq merzimi ótip ketken vaktsınalar saqtalǵan.
Prokýrorlyq tekserý kezinde qyzylsha men sibir jarasyna qarsy jalǵan ekpeniń 70-ten astam faktisin, sondaı-aq qalalyq emhanalardyń biriniń medıtsına qyzmetkerleriniń resmı qujatty burmalaý derekterin anyqtady.
Osy jyldyń 4 aqpanynda prokýratýra organdarynyń materıaldary negizinde Petropavl qalalyq polıtsııa basqarmasy QR Qylmystyq kodeksiniń 385-baby «Jalǵan qujattardy qoldan jasaý, daıyndaý jáne ótkizý boıynsha» sotqa deıingi tergep-tekserýdi bastady, tergeý áreketteri júrgizilýde.
Jalpy, medıtsınalyq mekemeler Bıýdjet kodeksinde kózdelgen zańdy negizdemesiz ımmýnobıologııalyq preparattardy satyp alýǵa ótinimderdi qalyptastyrýyda zań buzýshylyqtarǵa jol bergen.
Qazirgi ýaqytta qadaǵalaýshy organnyń aktisi negizinde jiberilgen zań buzýshylyqtardy joıý jáne jaýapty laýazymdy tulǵalardy jaýapkershilikke tartý sharalary qolǵa alyndy.
