SQO-da jabaıy qabandy aýlaǵan brakoner ustaldy
ASTANA. QazAqparat - SQO Jambyl aýdanynda jabaıy qaban aýlaǵan brakonerdiń zańsyz áreketiniń beti ashyldy, dep habarlaıdy «QazAqparat» HAA tilshisi.
SQO ІІD baspasóz qyzmetiniń habarlaýynsha, oblystyq ІІD men aýdandyq ІІB bólimi qyzmetkerleri birlesip, reıd jumystaryn júrgizgen. Reıd barysynda Jambyl aýdanynyń Ýerdnoe aýylyna jaqyn mańda avtokóliktiń izi, bytyranyń oǵymen tesilgen qabannyń terisi men ishki músheleri tabylǵan.
«Avtokóliktiń izi quqyq qorǵaýshylardy Kazanka aýylyna alyp keldi. Ol qabannyń terisi tabylǵan orynnan 27 shaqyrym jerde ornalasqan aýyl. Osy aýyldyń turǵynynyń úıinen atylǵan ańnyń eti men ańshylyq qarýy tabyldy», - delingen baspasóz qyzmetiniń habarlamasynda.
Keltirilgen shyǵyn kólemi 900 myń teńge. Zańsyz ań aýlaý jaǵdaıy boıynsha QR QK-niń 337-baby 3-bóligi boıynsha qylmystyq is qozǵalǵan.
Atalǵan bap aıypkerge 4 mıllıon 800 myń teńgege deıin aıyppul salýdy kózdeıdi.
