SQO-da zeınetaqy qorynan aqsha alýǵa berilgen ár úshinshi ótinish keri qaıtaryldy
SQO-da qańtar aıynan beri Biryńǵaı jınaqtaýshy zeınetaqy qorynan jetkilikti shekten asqan somany alý úshin barlyǵy 8 018 adam ótinish bergen. «BJZQ» AQ SQOF baryp qyzmet kórsetý bóliminiń basshysy Ǵalııa Muqanovanyń aıtýynsha, salymshylardyń basym bóligi zeınetaqy qoryndaǵy alýǵa bolatyn somany úı jaǵdaıyn jaqsartýǵa jumsamaq bolǵan. Jyl basynan 7 452 adam ótinish jazsa, sonyń 2 605-iniń ótinishi keri qaıtaryldy. 10 mlrd 119 mln somanyń 4790 ótinishi oryndaldy, alaıda onyń 1 mlrd 54 mln teńgesi qaıta zeınetaqy qoryna túsken.
«Jetkilikti shekke jetpese de, durys túsinbeı baspana alýǵa nemese emdelýge ótinish beretinder bar. Sondaı-aq zeınetaqy qoryndaǵy alýǵa bolatyn jetkilikti somaǵa aryz jazǵan kezde, dál sol mólsherdi kórsetedi. Mysaly, ol 1 mln 200 myń teńgeni ala alady. Ol sony ótinishinde kóresetedi. Bul durys emes, alýǵa bolatyn somadan 10-20 myń teńgege kem kórsetý kerek. Óıtkeni aýdarym 5 jumys kúni ishinde jasalady. Bul ýaqytta ınvestıtsııalyq kiris ózgerýi múmkin, qundy qaǵazdar naryǵy quldyrasa, kiris de azaıady. ıAǵnı shottaǵy alýǵa bolatyn soma ózgerip, azaıýy múmkin», - deıdi banktiń bólim basshysy Ǵalııa Muqanova.
Sondaı-aq qujattardyń merzimi ótken jaǵdaıda aýdarym jasalmaıdy.
«Eger adamnyń shekti somadan artyq qarajaty bolsa, biz kez-kelgen jaǵdaıda aýdarym jasaımyz. Ol «Otbasy bankke» nemese basqa bir operator bankke ketýi múmkin. Biraq onyń qoldanǵysy kelgen maqsaty tizimde joq bolsa, onda aqshany paıdalana almaıdy. Shekti somany jer satyp alýǵa jumsaý úshin óz talaptary bar» - deıdi Ǵalııa Muqanova.
Soltústikqazaqstandyq salymshylardyń 517-si jınaq esepshotyndaǵy qarjysynyń shekti mólsherden asqan bóligin emdelýge almaq bolǵan. Olardyń 91-iniń oıy júzege aspady, 409 adam múmkindikti paıdalanyp, 333 mln teńgeni jumsady. Merziminde qoldanylmaǵandyqtan 105 ótinish boıynsha 52 mln teńge qaıta zeınetaqy qoryna qaıtaryldy.
Al jekemenshik qarjy kompanııalardyń basqarýyna berý maqsatynda shekti mólsherden asqan somany alý úshin 49 salymshy ótinish bergen. Olardyń 17-siniń ótinishi keri qaıtarylsa, 29 adam 12 mln teńgesin alyp, múmkindikti paıdalandy.