SQO-da zańsyz júrgen 64 sheteldik el aýmaǵynan shyǵarylady
ASTANA. QazAqparat - Soltústik Qazaqstan oblysynyń kóshi-qon polıtsııasy «Gastarbaıter» jedel aldyn alý sharasyn qorytyndylady, dep habarlaıdy «QazAqparat» HAA tilshisi.
SQO ІІD kóshi-qon qyzmeti basqarmasynyń bastyǵy Talǵat Ábilovtiń aıtýynsha, úsh kúndik sharaǵa ishki ister organdarynyń barlyq kúshi jumyldyrylǵan. Ásirese, sheteldikterdiń uıysa ómir súretin oryndaryna basa mańyz berilip, jumys berýshilerdiń, sheteldikterge deldaldyq qyzmet kórsetetin adamdardyń jumysy tekserilgen.
Úsh kúndik tekserýdiń qorytyndysy boıynsha, kóshi-qon zańnamasynyń buzylýy turǵysynan 170 jaǵdaı tirkelgen. Ákimshilik quqyqbuzýshylyq kodeksiniń 517 baby boıynsha 169 sheteldik jaýapqa tartylǵan. Sot qaýlysymen 8 sheteldik el aýmaǵynan shyǵaryldy.
«Sonymen qatar, jumys berýshiler qataryndaǵy 25 QR azamaty QR ÁQBK 519-baby boıynsha jaýapkershilikke tartyldy. Jeke kýáliksiz jáne eshqandaı qujatsyz júrgen QR 116 azamaty da polıtsııanyń nazaryna ilikti. 64 sheteldik azamattyń ýaqytsha turý merzimin qysqartý týraly sheshim qabyldandy. Zańsyz kóshi-qonǵa qatysty kúres jalǵasyn taba beredi», - dep habarlaıdy Talǵat Ábilov.
