SQO-da zańsyz jalǵa berilgen 4,5 myń ga jer qaıtaryldy
SQO jer resýrstaryn basqarý departamentiniń málimetinshe, vedomstvo byltyr 547 myń ga jerge 368 tekserý júrgizdi. Onyń 544 myń ga - aýyl sharýashylyǵy maqsatynda paıdalanylatyn jer. Nátıjesinde 375 myń ga alqapqa qatysty 96 zań buzýshylyq anyqtalǵan. Sonyń tek 82 myń ga-y boıynsha ǵana olqylyqtar joıyldy.
«Sharýashylyqtar jaıylymǵa arnalǵan jáne egis alqaptaryn maqsatsyz qoldanǵan nemese múlde paıdalanbaı, ol jer bos jatqan. Aýyl sharýashylyǵy jerleriniń tıimdi qoldanylýy, jer zańnamasynyń oryndalýy mamandardyń baqylaýynda. Sharýalar jerdi tıimdi paıdalanbaǵan jaǵdaıda aıyppul salynady. Sondaı-aq bos jatqan jer ýchaskesi úshin kásipkerge 20 esege ulǵaıtylǵan salyq stavkasy qoldanylady», - deıdi SQO jer resýrstaryn basqarý departamentiniń basshysy Baqytjan Bekish.
Mamannyń aıtýynsha, nátıjesinde zań buzýshylyqtardy joıý týraly 96 uıǵarym berildi, al eselengen salyq stavkasyn qoldaný úshin qujattar Memlekettik kirister departamentine jiberildi.
Byltyr jergilikti atqarýshy organdar men olardyń qurylymdyq bólimsheleri qabyldaǵan sheshimderdiń zańdylyǵyna qatysty 145 tekserý júrgizildi, 97 zań buzýshylyq anyqtaldy.
Departament eldi mekender aýmaǵynda berilgen jerlerdiń zańdylyǵyn da tekserdi. Nátıjesinde jergilikti atqarýshy organdardyń sheshimin jaramsyz dep taný týraly 21 talap aryz berdi, bul - jalpy aýdany 4 ga jýyq jer.
«Qyzyljar aýdany Beskól aýylyndaǵy 26 ýchaske boıynsha byltyr tekseris júrgizildi. Olar trassa boıynan jáne sol jerdegi aǵash ekpeleri mańynan úlestirilgen. 19 ýchaskeniń jer zańnamasynyń jáne «QR sáýlet, qala qurylysy jáne qurylys qyzmeti týraly» zańyn buza otyryp berilgeni anyqtaldy. ıAǵnı, aýyldyń bas josparyna saı kelmeıdi nemese qyzyl syzyqtan berilgen. Ol jerler memleket menshigine qaıtarylady», - deıdi Baqytjan Bekish.
Sondaı-aq sot jalpy aýmaǵy 4,7 myń ga jer ýchaskelerin jalǵa berý sharttaryn jaramsyz dep taný týraly 18 talap aryzdy qarady, sonyń 15-i qanaǵattandyrylyp, 4,5 myń ga jer memleket menshigine qaıtaryldy.
